أهلاً وسهلاً بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه
سلام عليكم ورحمة الله وبركاتة اسال الله لنا جميعا الفردوس الاعلى امين حبيت اكلمكم انهارده يافتوكات عن الاستغفار وراحه البال اللى بتحسى بيها بعد م بتقولى استغفر الله العظيم اولا كده صلوا ع الحبيب اللى اشتاق لينا وقال اشتقت لاخوانى فقالوا الصحابه او لسنا اخوانك يارسول الله قال لا انتم اصحابى انما اخوانى ياتون من بعدى يؤمنون بى ولم يرونى او كما قال رسول الله عليه الصلاة والسلام طيب فى ايه مكتوبه على قبر رسول الله عليه الصلاة والسلام اكيد كلنا بنشوفها قال الله تعالى.ولو انهم اذ ظلموا أنفسهم جاؤوك فاستغفروا الله واستغفر لهم الرسول لوجدوا الله توابا رحيما... والرسول عليه الصلاة والسلام كان يقول والله انى لاستغفر الله واتوب اليه فى اليوم اكثر من سبعين مرة
وقال سبحانه وتعالى ...وقلت استغفروا ربكم انه كان غفارا يرسل السماء عليكم مدرارا.ويمددكم باموال وبنين .ويجعل لكم جنات ويجعل لكم انهارا.
طيب فى ايه تانى الواحد ممكن يحلم بيه يافتوكه يعنى استغفر ربنا يغفرلى ذنوبى ويرزقنا بالولاد والفلوس وكمان ينعم علينا فى الاخرة ويعطينا الجنات مش جنه ياجماعه وانهار كتير مش نهر كل ده لمجرد قولت استغفر الله العظيم لا تعالى لما اقولك العلماء بيقولوا من قال استغفر الله وقلبه مصر على المعصيه فاستغفارة ذلك يحتاج الى استغفار يعنى اهم حاجه القلء مش اللسان مش مجرد كلمه واتقالت لاااااا لازم اولا افتكر ذنوبى واستشعر مش ان الذنب الفلانى اللى عملته ده كبير لا استشعر ان اذنبت فى حق من فى حق ربنا
لازم احس من قلبى انى ندمانه على ذنبى ازاى انا عملت كده وعارفه انه حرام وربنا مطلع عليا ويرانى ومع ذلك اصريت على الذنب ده ويمكن اكون بضحك على نفسى وانا بعمل الذنب واقول م هو ربنا غفور رحيم لازم اصر على عدم الرجوع للذنب مرة اخرى وانوى بقلبى انى مش هعمل كده ان شاء الله طيب لو وقعت فى الذنب ده اتوب تانى فان باب التوبه مفتوح لقيام الساعه بس استغفر الله مفتكرش انى ذكيه واقول انا تبت وانا من جوايا عندى رغبه انى ارجع للذنب ده تانى
نرجع لللاستغفار رسول الله عليه افضل الصلاة والسلام كان بيستغفر اكتر من سبعين مرة وهو المعصوم عن الخطاء طب لو الواحد حسبها بالعقل كده من اللى محتاج يستغفر طبعا احنا مليانين ذنوب ومعاصى وبنجادل وانقول احنا كويسين مبنعملش الكبائر الحمد لله طب والصغائر اللى احنا للاسف مستصغرينها واحنا منعرفش ان الاصرار على الصغيرة يعتبر كبيرة ؤلاء وكمان فى ذنوب احنا نسيناها مش فاكرينها ولا استغفرنا عليها بس نسينا انه كل مكتوب فى صحيفتنا لازم تدعى ربنا وتستغفرى على ذنوبك اللى نسياها وقولى كده باالفظ اللهم انى اتوب اليك من ذنوبى التى نسيتها وانت تعلمها باى صيغه انتى عيزاها اتكلمى مع ربنا بالعاميه وبلاش نصعبها على نفسنا مش لازم صيغه معينه ذنوبنا كتير يافتوكات كام واحده فينا التزمت بالحجاب اول م بلغت هتلاقى كتير مننا ممكن اتحجبت بعد سنه من بلوغها او اكتر كام واحده مصاةتش الايام اللى عليها اول كام سنه فى بلوغها ياريت تقدرها وتصومها وتستغفر على تهاونها كلامنا عن الناس والغيبه والنميمه والغمز والهمز تهونا فى طاعه ربنا وعدم الخشوع فى الصلاة وغفلتنا عن الدعتء الدعاء والذكر كل واحده ادرى بنفسها هى مقصرة فى ايه لا م نحاسب انفسنا كل يوم عملت ايه فى وقتى اقولك على حاجه بعملها لما بفتكر ها بقول يارب اى عمل هعمله انهارده ابتغى بيه وجهك سواء بقى تنضيف ولا طبيخ ولا مذاكرة للولاد بصى اى حاجه ان شا الله ختى بتغسلى كوبايه طيب نرجع لكلمه استغفر الله وانتى بتقوليها بجد من قلبك ومستشعره ان ربنا سامعك ومطلع عليكى وانتى بتستغفرى وممكن تكونى بتبكى والدموع نازله منتيش شايفه منها احساس حلو اووووى انك تشكى لربنا ذنوبك وتطلبى منه يسامحك ويعفو عنك ويمحى ذنوبك واد ايه انتى ضعيفه ومن غير عفوة عنك فعلا خسرانهؤ تخيلى ولله المثل الاعلى لما بتطلبى من حد حاجه ياما يردك ويبقى خذلك ياما يديهلك بزهق كده وتبقى ساعتها مذلوله انما لما بتطلبى من ربنا وبتتذللى فى طلبك وبتطلبيه كتير ربنا بيحبك تخيلى ربنا بيحب الملحين فى الدعاء ده غير والله الاحسا الحلو وانتى بتمسحى دموعك كانك فعلا بتمسحى هم تقيل على قلبك طابق على نفسك ياكل واحده عايزة حاجه من ربنا ومين مش محتاج اجرى على ربنا ادعيه اللى عايزة مغفرة ولا نفسها فى عيل ولا اللى عايزة فلوس تفك دينها واللى عايزة بركه فى حياتها وربنا يحفظلها ولادها مستنيه ايه حلك الاستغفار اللى مستنيه جواز ولا نجاح ولا الصحه اجرى على ربنا وخبطى بابه مفتوح ومستنيكى يانهااار ربنا مستنيكى يافتوكه اطلبى من فضله من اتانى يمشى اتيته مهرولا ومن تقرب الى شبرا تقربت اليه ذراع يا على الكلام اللى يقشعر الجسم ده حديث قدسى للى متعرفوش منكم ربنا بيتكلم فيه عن شوقه للعاصين مبالك بالمحبين اللى هما انا وانتى ان شاء الله بس نتخلص الاول من ذنوبنا اللى مليه صحايفنا
لازم تخصصى وقتى تستغفرى فيه الله كل يوم عشان تسعدى بصفحتك يوم القيامه يالا يافتوكات املوها وانتى قاعده ع النت استغفرى بقلبك .لسانك متضيعيش لحظه من عمرك اعذرونى ع الاطاله سلام عليكم ياقمرات معلش ع الاخطاء لانى بكتب م موبايل يارب الكمبيوتر يتصلح يارب
موضوع: الاستغفار وحلاوته
الخميس 14 سبتمبر 2023, 6:33 pmمن طرف 
