فئة المناقشات العامة

موضوع: ◄ مَصْر عَادِتْ ! ►

:- تم انشاء الموضوع الموافق

06.07.2013

19:05:01

:- ◄ مَصْر عَادِتْ ! ►

:- صورة أرشيفية

*************************

دمعة الحرية غالية
وأغلى منها اسمك انتى
عشتى دايماً راية عالية
مهما كان حزنك وكنتى
لما يوم خطفوكى مِنْى
خفت أهون وانتى ما هنتى
ما انتى أغلى حاجة فيا
وانتى عنوانى ومدينتى
رحلتى فى الدنيا كانت
خطوة تبدأ عندك انتى
اجرى من قلبى لإيديك
وفى عنيك مَرْسَى سفينتى

اسمك أم الدنيا مصر
وأجرى لواسمك نادانى
أيوة من خوفى عليك
كنت اخاف لتغيبى تانى
كنت أشوف الحزن اسود
فى عيونك وف غيطانى
حتى زرعى يوم حصاده
كنت حاسه طعم تانى
طعم علقم ليه يا مصر
مَرْوى بالدم فى مكانى
ضيعوا منى حنانك
ضيعوا أمنى وأمانى
دول ولادك مستحيل
دول أكيد زَرْعَه شيطانى
همهم دمك ودمى
يخدعونى بالكلام
يخدعوكى بالأمانى
كذبهم فى الآخرة بان
آخرة الكذاب طوفانى
يبقى ليل ظلمك قُصَيَّر
والكبير ربك رضانى
لما قام الشعب يصرخ
كل شارع كان ميدانى
قالوا ارحل م الليلة دى
مهما هتلون كلامك
مهما هتكرر أغاني
كل دا شبعنا منه
بَدِّلْ الْمَعْزَى بتهاني
والليلة دى حد فاصل
بين وعودك والكلام
والعمل عاوز تفانى
وانتَ لوحِلمَّك تِكَمِّل
حلمى مش صابر ثوانى

يا بلد مبدورة ناسك
ماشية دايما رافعة راسك
البعيد قابض فى روحك
واحنا روح ايدك وفاسك

صرختك قابلت هتافى
اوعى يا ثورة تخافي
قلت قولى عاوزه ايه
وسجلى عنى اعترافى
مستحيل اصبر عليهم
همهم زاد فوق كتافي
اللى ظالمك آخره كلمة
قالها شعبك كله كافي
امشى يالا يعنى ارحل
امشى احسن تمشى حافي
وانتى يا غالية تعالى
دفى قلبك جوة قلبى
وف سماكى كان لحافى
وف وريدى يمشى نيلك
وجوة دمى تَبْرْ صافي