فئة المناقشات العامة

تم انشاء الموضوع الموافق

22.06.2013

22:12:05 Pm

السد العالى

السد كان فرحان قوى بالنيل
صبح حزين السد يا قنديل
والدمع فاض وسال ع الخد

كانت القاهرة بنظرة عين
يهابها الجبل ويقع ينهد
راحت المهابة قولولنا فين
ياللى المهابة عندكوا ع الأد

عشنا عمرنا فى أول صف
بقلنا سنين مركونين ع الرف
بهت شكلنا وتقلنا خف
لعبوا بنا الدلاديل لعب تقيل

السد حزنه سابق الأحداث
شايل هموم البلد وهم الناس
زيه سدود تانية جيه خلاص
تخنق جذورالقمح نص الليل

زنوبيا يا إثيوبيا كانت مَره
بألف راجل عامل فشخره
شايف وخايف وجايب ورا
بكره يا نيل ندى بالمواويل

مواويل حزينة جدا طويله
بدموع كتيره وخيبة ثقيله
على الميه والنسمة العليلة
اللى هتروح مننا يا جميل

ياميت خسارة عليك يا نجاشى
والقعدة ع الشط ما بتحلاشى
إلا وفيك ميه وموجك ماشى
رايح رشيد ولبورسعيد بتميل

يا سد عالى بقالى يومين مبنمش
من دى الورطة ومن دا الوَش
سد النهضة فجأة علينا خش
مين اللى وِشه علينا دمه ثَقيل

ارجو التقيم

تحيـــــــــــــــــــــاتــــــــــــــــى