[size=32]النهاردة بقي هنهتم بحاجة مهمة قوي احنا ببنساهم دايما مع انهم لما بنهتم بيهم بجد بيدلوا علي انوثة طاغية تلين الحديد[/size]
(طبعا للزوج بس وانا مش مسئولة بقي عن اللي هتخرج الانوثة ديه بره البيت وعن نطاق المحارم)

[size=32]العناية اللي هنتكلم عنها انا عملاها في صورة خريطة عشان تثبت في دماغكم دايما وما تنسوهاش[/size] .[size=32] [/size]


[size=32]ملحوظة:[/size]

[size=32]انا عاملة لكم بدائل كتير قوي في كل طريقة علي فكرة كل الطرق افضل الطرق في كل فرع يعني طبقيهم كلهم او طبقي واحدة بس من كل جزئية علي راحتك والنتيجة مذهلة باذن الله هتبان قبل[/size][size=32]عشر ايام[/size]



[size=32]الخطوة الاولي التقشير وازالة الجلدالميت:[/size]
[size=32]محتاجين الاتي وجنب كل صورة التكلفة المبدئية طبعا:[/size]
[size=32]1- قشر ليمون [/size](اكيد ده ببلاش)

[size=32]2- ملح خشن [/size](الكيس بربع جنيه)
[size=32]3- زيت زيتون [/size](تقريبا محتاجين شوية بخمسة جنيه)

[size=32]نبدا بقي عملية التقشير ركزوا معاي[/size]

اولا: التقشير السريع باستعمال الليمون

(ده هنستعمله لمدة تلات ايام بس[size=32] [/size]لكل انواع البشرة تلات ايام فقط لان جلد الركبة والكوع حساس حتي لو بشرتك مش حساسة ولو استمريتي فيه هيغمق ركبتك تاني مش هيفتحها)

الطريقة:هناخد قشرة الليمونة ونغمسها في زيت الزيتون (او اي زيت متاح بالنسبة لك مش مهم) وبعدين في الملح الخشن غمس بس كده مش غرف وبعدين علي ركبة او كوع نضيفة وفي حركات دائرية تدعكي بالراحة يتكرر مرتين كل يوم وبعدين يتشطف.

ثانيا :التقشير التاني باستعمال زيت الزيتون:

ده مش بس هيقشر الركبة او الكوع لا كمان هيخلصك من الشعر تحت الجلد زي المحترفين.

الطريقة: علي الكوع النضيف او الركبة النضيفة هندهن زيت زيتون بوفرة جدا ثم نلفه بورق البلاستيك وراب بتاع الاكل او حتي اكياس عادية بس نلفها كويس جدا ونخرج الهواء نلزقها في الجلد كويس جدا
وبعد مرور نص ساعة او لما الجلد يعرق نشيل الاكياس و باملح الخشن او ملح الحليب او حتي بحجر الخفاف (بتاع الرجلين)وفي حركات دائرية هندلك الركبة والكوع كويس جدا(هيتعمل مرة كل يومين بشكل منتظم بعد ما نوقف الليمون والملح لحد ما نكمل العشر ايام باذن الله)




الخطوة الثانية من البرنامج الترطيب والعناية اليومية:

( مش هنحتاج كل ده بس هقولك طرقتين للترطيب وكلهم احسن من بعض اختاري الطريقة اللي تحبيها و هاتي مستلزماتها):

1- زيت خروع (ب 6 جنيه الزجاجة)





2- جلسرين نقي (ب 3 جنيه الزجاجة 30 مللي ولو مش متوافر تبقي علبة كريم جليسوليد متوسطة ب 6 جنيه)


3- فازلين نقي (العلبة ب 3 جنيه تقريبا)








2- جلسرين نقي (ب 3 جنيه الزجاجة 30 مللي ولو مش متوافر تبقي علبة كريم جليسوليد متوسطة ب 6 جنيه)


3- فازلين نقي (العلبة ب 3 جنيه تقريبا)

[size=32]طرق الترطيب دول كلهم احسن من بعض والخبراء بينصحوا بيهم هما خلاصة يعني طرق ترطيب المناطق ديه واللي ترتاحي فيها نفذيها بس وعامة هي هتندهن مرتين او تلاتة كل يوم علي الكوع والركبة.[/size]

[size=32]1- فازلين وعليه فيتامين e متفضي طبعا من الكبسولات و مخلوط كويس جدا [/size](فيه فازلين في بعض الدول بفيتامين e جاهز ده طبعا احسن ولو عرفتي تلاقيه احسن)[size=32].[/size]
[size=32]2- الجلسرين النقي و هنخلط علي الزجاجة زيت الخروع و عصير ليمونة واحدة بس.[/size]




[size=32]اخر خطوة استعادة اللون والتغذية:[/size]

[size=32]الماسكات ديه هتوضع بعد التقشير وقبل الترطيب
يعني هنقشر الجلد ونعمل كل يوم من العشر ايام ماسك ثم نغسله ونرطب مرة من المرات[/size]
[size=32]دول احسن ماسكات للمناطق ديه واحسنهم قوي الماسك الاخير
تقدري تنفذيهم كلهم بالتبادل كل يوم واحد او تقدري تستقري علي واحد بس[/size]

[size=32]الماسك الاول:[/size]
بودرة تلك الاطفال مع شوية ميه ورد و نص عصرة من نص ليمون(يعني تلات نقط تقريبا) وقلبيهم كويس جدا جدا لحد ما يبقوا خليط تقيل شوية مش خفيف وافرديه علي ركبتك وكوعك و لما ينشف قشريه بايدك يعني وقعي الخليط بالدعك ثم اشطفيه.

الماسك الثاني:

معلقتين طمي مغربي من عند العطار (بيبقي سايب بالكيلو شكل الدقيق كده بس مترب شوية يعني لونه مش ابيض) مع معلقة زبادي وشوية ميه عادية.
برضه هنخلط كويس جدا ونفرده علي الكوع او الركبة وبعد ما ينشف يتفرك برضه ويتشطف.

الماسك الاخير:

ده ماسك صيني علي فكرة بيتعمل لركب العرايس عندهم وهو بالمناسبة مش للركبة والا الكوع بس ده حلو كمان للوجه.

هنجيب قشر موز ونلفه كويس علي الكوع او الركبة و بعدين نلف المكان بالاكياس او البلاستيك وراب لحد ما يلزق قشر الموز في المكان جدا (خدوا بالكم قشر الموز بيسمر الهدوم يعني خدي بالك من هدومك وانتي عملاه)
ربع ساعة بس وشيلي البلاستيك وقشر الموز واغسلي كويس بميه دافيه واتفرجي طراوة جلدك ولونه.

وده احسن ماسك في التلاتة اللي فاتوا وعن تجربة شخصية



بس كده خلصت بقي البرنامج
وباذن الله رب العالمين زي ماقلت لكم عشر ايام وركبك ديه هتبقي بنورة باذن الله بس زي ما قلت لكم فيما يرضي الله اتفقنا.


وشكرا 
  

---

---