فئة المناقشات العامة

موضوع: ♫--------- فى حارتنا-------------♫

تم انشاء الموضوع الموافق

23.06.2013

01:27:48 Am

♫--------- فى حارتنا-------------♫ HriUc

♫--------- فى حارتنا-------------♫ S10201113155839

سمعت حارتنا ف يوم عن مبدأ التنظيم
قالت عيشتنا ماعرفت غير حلكة المظاليم
حارتنا يا متعريه وغطاكى شكله قديم
ايدين خشنه وعرقت ماليها ف التنعيم
حارتنا ماسمعت آدان ولا تعرف الترانيم
ربط الإنسان من رجله ف الساقيه كأنه بهيم
ماتعرفله وش من ضهر طافح عليه اتعتيم
الصحة فيها رايحة خلقه أحسنها من أى رجيم
أبوالعيال بيدعى لو اتخلق اللى والده عقيم
شايل همين لقمه منين ولبهيمته كيف برسيم
ف حارتنا العين بصيره والأيد قصيره وقلب رحيم
حاره مبتشوفش غير نشرة تسعه ومسلسل سبعه
عاوزه الغطا ف السقعه عاوزه الهدمه الواسعه
هتعرف منين دستور ولا نخبه ولا مصطلحات التكليم
بس بتعرف تثور ويجى الغير يرجعها للتنويم
حارتنا يا متعريه وغطاكى شكله قديم