أخواتي العزيزات: سوف أطرح هذا الموضوع للحوار و أرجو من الجميع الرد عليه لأنه قد ملأ قلبي حزنا و بدأت الشك بأن كل العرب بيأذو بعض بالفطره.
لقد نشرت صحف عربية ومنها صحيفة نافذة مصر الخبر ده:
شركة أردنية تتحدى جووجل...
أطلقت شركة القيمة الحقيقية المتخصصة بالتسويق موقعها الجديد:
5OFALL
والذي تعلن عنه الشركة بأنه منافس جووجل الجديد كأفضل هوم بيج لتصفح الإنترنت وتهدف الشركة لجعل ...5OFALL... صفحة البدء لأكبر عدد من مستخدمي الإنترنت على مستوى العالم بإعطائهم المواقع الأكثر إستخداما مع المحافظة على الجمالية والعملانية في ان واحد معا مما يعطي قيمة مضافة لهذا الموقع.
حيث يحتوي على حلول أكثر تسهل عملية الوصول لأقوى 5 إيميلات وأفضل 5 شبكات إجتماعية بالإضافة لأفضل خمس محركات بحث وأكثرها إستخداما، بلإضافة لخدمة الترجمة و خمس خلفيات أبدعها فنان ألماني ليختار منها المستخدم ما يحب.
وتعد إنطلاقة الموقع وعدد الزوار هي الأقوى والأسرع من نوعها على مستوى المنطقة.
ولكن يبقى السؤال: هل سيستطيع هذا الموقع المحافظة على نجاحه وسرعة نموه وأن يسقط العملاق ويحتل مكانه في وقت قصير ؟؟
ولكن ردور القراء على الموضوع أو بعض الردود كانت مستهزأه بالموضوع لأكبر درجة وكأنه نكته.
فقررت استخدام الموقع بالفعل استخدمته أسبوع كامل يوميا ولقيته أكتر من رائع لأنه بالفعل فيه كل حاجه بنستخدمها أول ما نفتح النت. فعايزه أناقش معاكم الردود المسيئه وايه سببها ومنها:
---الموقع عباره عن كشك محطوط فيه اللينكات ومافيهوش أي ابداع؟؟؟ طب مش اللينكات دي هيه أهم مواقع منزورها أول ما نفتح النت ومش موجوده في صفحة جووجل !!!
----الموقع عباره عن صفحة وحده وبرمجته ما تخدش ساعتين ؟؟؟ طب هل بقى يعيب الموقع انه عباره عن فكره رائعه ومختصر وبسيطة؟طب ماجوجل برمجتها هيه أسهل صفحه في العالم ومع كده أفيد صفحه في العالم !!!
--- ازاي هينافس جووجل دي جووجل عندها ملاين وتقدر تشتري الشركات العربيه كلها دفعة وحده ؟؟؟ شوفو غرابة التعليق ده ! طب ماجوجل بدأت كمشروع تخرج لطالبين دكتوراه في جامعة وقعدت 3 سنيين لما خرجت للنور وما وصلتش للي هيه فيه إلا بعد 13 سنه !!!
--- ايه الإسم إلي يسد النفس ده ما لقيوش غيره ؟؟؟ واضح انه كاتب التعليق ده معرفش يقرا الإسم لإن الإسم هوه فايف أوف أوول يعني خمسة من كل حاجه ومن الجرايد الأردنية قالت ان الإسم مأخود من عدد وظائف الموقع و ان كل حاجه فيه في منها خمس اجزاء.
--- ازاي حتتحدى جوجل وهيه بتاخد البحث منها ؟؟؟ طب الخبر بيقول انها حتتحدى جوجل كأفضل هوم بيج ايه الي جاب سيرة تحدي جووجل بمحرك البحث ؟؟ ده حتى الموقع ماعندوش بحث خاص فييه !! وبعديين أتوقع ان الي لازم يلام هوه الصحافه على العنوان ده مش الشركة المسكينة !!!
--- انا شايفة انه السبب بس انها شركة عربيه بنما لوكتبو أوروبيه أو أجنبية كانت الردود غير كده تماما.
أنا بدروس برمجه في سنه رابعه وحسب ردودكو على أسئلتي دي كقرر أكمل تخصصي ولا أغيره تماما لأنه لوكان أي حاجه عالنت بتترفض بس لأنها عربية فمعناها ان تخصصي عالفاضي لإني عربية ودي حاجة بتخلي قلبي يبكي من جوه أرجو من كل ستات البيوت والمبرمجين ومن كل حد بيقرا الموضوع الرد ومساعدتي في تحديد مستقبلي إلي شكله ضايع من قبل ما يبدأ حتى. لإني عربية...
الإثنين 03 أكتوبر 2011, 10:53 am
موضوع: مستحيل تنجح. إنتا عربي ؟ يعني جاهل
