سأقوم بشرح برنامج FreeFileSync لمزامنة الملفات بين جهيتن سواء 2 فولدر او 2 درايف و جعلهم متماثلين فى المحتويات



البرنامج بيتيح لك عمل مقارنة بين جهتين سواء 2 فولدر او 2 درايف و معرفة الفروقات فى المحتوى من الملفات و الفولدرات والقيام بالعمليات اللازمة من اضافة و حذف و تعديل لتصبح تلك الجهتين متماثلين

1. يعنى انا فاكر زمان ايام ما كنا بنفك الهاردات و نروح لأصحابنا عشان نعمل تبادل داتا و تكون بتنقل فولدر مثلا مساحته 10 جيجا مليان ملفات العاب على افلام و فجأة الكهربا تقطع او الجهاز يعمل ريستارت و لما تشغل الجهاز تبقى محتار و مش عارف ايه اللى اتنقل و ايه اللى ما اتنقلش وساعتها كان بيبقى قدامى حلين يا اما تفضل تقارن بعينك بين كل ملف و ملف لغاية ما تعرف من اول فين عملية القطع حصلت او انك تحذف الفولدر كله و ترجع تنسخه من اول و جديد و كفى الله المؤمنين شر القتال
2. او لو انت واحد من الناس كنت زيّ فى يوم من الايام تحب تخزن الافلام و الملفات المهمة على اسطوانات او ديفيدهات للحفاظ عليها لو لا قدر الله حصل حاجة للهارد ،،،،،، لغاية ما اسعار الهاردات انخفضت بشكل ملحوظ فأصبح من الافضل شراء هارد اضافى للتخزين كما وضحت لإنخفاض سعره و سرعة التعامل مع البيانات و اتاحتها امام عينك طوال الوقت كما انه لا يوجد مجهود كما هو الحال عند نسخ الداتا على الاسطوانات

و لكن المشكلة التى كانت تقابلنى هو ازاى اقدر اخلى محتويات الهاردين متماثلين تماماً
فى البداية كنت افعلها يدوياً يعنى اول ما اضيف ملف جديد على الهارد الاول اروح انسخه فى نفس مساره على الهارد التاني و لو مسحت ملف اعمل نفس القصة و بصراحة ما استحملتش الموضوع ده اسبوع على بعضه

لغاية ما سمعت عن تقنية جديدة اسمها Raid ودى قصة طويلة موضوعها مش هنا و لكن كفكرة مبسطة عنه هو ليه انواع متعددة و لكن النوع الذى شد انتباهى هو نوع (المرآة) Mirror
بمعنى انك تخلى فيه صورة طبق الاصل من ملفاتك زى لما بتقف قدام المرايا و تبقى صورة طبق الاصل منك

و لكن صعوبة تقنية Raid هى انه محتاج هاردوير بيدعمه زى مازربورد حديثة و هاردين متماثلين فى الحجم و يجب ان يكونوا متصلين طوال الوقت بالإضافة الى ضرورة عمل تعريف لهذه العملية اول مرة (مش قلتلكم تقنية Raid دى حكاية طويلة ) بس ميزته ان اى عملية بتقوم بيها على الملفات فى الهارد الاول بتم لحظياً فى الهارد الثانى Real time

المهم عشان ما اطولش عليكم انا لقيت حل بديل و بسيط جداً هو برنامج FreeFileSync
و على فكرة انا جربت برامج كتير جداً اغلبها بفلوس و لكن كانت برامج فاشلة للأسف و اتفوق عليهم بجدارة برنامج FreeFileSync
يعنى مش شرط دايماً ان البرامج الغالية تكون افضل من البرامج المجانية


شــــرح البـــــرنــامـــــج
(1)



(2)

(3)

(4)

(5)



(6)
Filter

برجاء ملاحظة ان تلك الخطوة اختيارية و هى مفيدة لو انك تريد استبعاد نوعية ملفات معينة و عدم التعامل معها عندء اجراء عملية المزامنة
فلو انك تريد استبعاد كل الملفات ذات الامتداد exe
فما عليك سوى ان تكتب فى خانة المسماة Exclude الكلمة التالية

كود:
*.exe
يلاحظ ان النجمة * ترمز الى اى ملفات تحمل اى اسم
و الامتداد exe
يعنى نوعية الملفات من هذا النوع

و لو انك تريد اسم ملف محدد يتم استبعاده فما عليك سوى ان تحذف النجمة * و تكتب اسم الملف كالتالى (على سبيل المثال)
كود:
AlaaGhost.exe

على النقيض تماماً لو انك تريد البرنامج ان يتعامل مع نوعية ملفات بعينها و يستبعد الباقى
فما عليك سوى ان تكتب فى خانة المسماة Include بنفس الطريقة المتبعة سابقاً


-----------------------------------------------------------------------------------

والآن سننتقل الى خطوة ظبط وضع البرنامج بالطريقة التى تناسبنا
و لكن قبل الشرح يرجى ملاحظة الآتى


ستلاحظون ان رقم (1) مكتوب مرتين بجانب icon كبيرة الحجم و اخرى صغيرة و فى الواقع ان الاثنان يؤدون الوظيفة ذاتها و لكن الاختلاف
الايقونة الكبيرة باللون الاخضر : هى الاعدادات العامة بمعنى انه يمكنك تظبيطها اول مرة فقط لتسير عليها كل العمليات Tasks التالية

الايقونة الصغيرة : هى الاعدادات الخاصة للتاسك التى بجانبها على نفس السطر ،، لو انك ترغب فى تغيير الاعدادات العامة باخرى خاصة لتلك العملية بالذات


(2)
من هنا تغيير الاوضاع كما سنرى لاحقاً

(3)
خيارات الحذف و لأن البرنامج سيقوم فيما بعد بمقارنة الملفات و قد نطلب منه مسح بعض الملفات التى لا نريدها فعلينا ان نحدد كيف سيتم مسحها
Delete permanently : و معناه المسح الى الابد زى ما بنحذف الملفات عن طريق شيفت و دلييت Shift+Delete (وهو الاختيار الذى افضله)
use Recycle Bin : و معناه النقل الى سلة المهملات
Versioning: بصراحة لم اتعامل معها من قبل ولا اعرف وظيفتها و لكنى سأقوم بتجربتها لاحقاً و ان توصلت لشىء سآوافيكم

-----------------------------------------------------------------------------------
اوضــــــــاع البـــــرنــامـــــج:

اختر الوضع المناسب و اضغط زر Compare

1- وضع الاوتوماتيك مود Automatic mod
هو وضع تبادلى بمعنى ان1- البرنامج بيشوف ايه الملفات الزيادة الموجودة فى الفولدر الشمال ومش موجودة فى الفولدر اليمين و يقوم بنسخهها للفولدر اليمين

4- و الملفات الزيادة اللى موجودة فى الفولدر اليمين و مش موجودة فى الفولدر الشمال و يقوم بنسخهها للفولدر الشمال 2- فى حالة وجود ملف بنفس الاسم و المحتوى فى الجانبين فأنه سيتم تجاهله
3- فى حالة وجود ملف بنفس الاسم و لكن بمحتوى مختلف فى الجانبين فأنه سيتم نسخ الملف اللى تاريخ تعديله احدث من الملف ذو التاريخ الاقدم و يتم استبدال القديم بالجديد و فى النهاية عندنا فولدرين مثماثلين تماماً بهم ناتج جمع ملفات الفولدرين



2- وضع المرآة Mirror
فى هذا الوضع البرنامج بيتعامل مع الفولدر الشمال على انه الاصل و الفولدر اليمين على انه من المفترض ان يكون صورة طبق الاصل من الفولدر اليمين1- بما انه الفولدر الشمال هو الاصل فاهيتم نسخ اى ملف موجود به الى الفولدر اليمين او الصورة ،،

4- و هايتم حذف اى ملف فى الفولدر اليمين الصورة ماكنش موجود فى الاساس فى الفولدر الشمال الاصل
2- فى حالة وجود ملف بنفس الاسم و المحتوى فى الجانبين فأنه سيتم تجاهله
3- فى حالة وجود ملف بنفس الاسم و لكن بمحتوى مختلف فى الجانبين فأنه سيتم نسخ الملف اللى موجود فى الفولدر الشمال الاصل الى الفولدر الصورة و حتى و ان كان محتوى الملف اللى فى الفولدر اليمين الصورة هو الاحدث و فى النهاية عندنا فولدرين مثماثلين تماماً بعض اضافة محتويات الفولدر الاصل و حذف الاختلافات بالفولدر الصورة




3- وضع التحديث Update
فى هذا الوضع البرنامج بيتعامل مع الفولدر اليمين على انه فولدر تجميع لأى جديد يجد بالفولدر الشمال مع غض النظر عن محتويات الفولدر اليمين1- هيتم نسخ اى ملف جديد من الفولدر الشمال الى الفولدر اليمين،،

4- هايتم تجاهل اى ملف موجود فى الفولدر اليمين و مش موجود فى الفولدر الشمال مع الابقاء عليه و عدم حذفه2- فى حالة وجود ملف بنفس الاسم و المحتوى فى الجانبين فأنه سيتم تجاهله
3- فى حالة وجود ملف بنفس الاسم و لكن بمحتوى مختلف فى الجانبين فأنه سيحتفظ بالنسخة ذات اخر تحديث بالفولدر اليمين (بغض النظر عن مكان وجود الملف الحديث سواء كان موجود بالاصل فى اليمين او الشمال)



4- وضع التخصيص Custom
و هنا انت المتحكم فى القواعد المتبعة حسب اختيارك بالضغط على الايقونات الكبيرة تحت عمود Action

-----------------------------------------------------------------------------------
و الآن بعد انتهائنا من عملية المقارنة compare بعد اختيار الوضع المناسب
اضغط Synchronize




.
.
.
ستأتيك واجهة كملخص للعمليات التى سيقوم بها البرنامج من عمليات اضافة و حذف و تعديل و يسألك هل تود المتابعة
بالطبع نريد المتابعة
اضغط Start



.
.
.
Complete
مبروووووك



-----------------------------------------------------------------------------------
فى النهاية فقط لا تنس ان تسجل تلك العمليات Tasks على ملف خارجى و تحفظها فى اى درايف بعيداً عن درايف C
عشان لو نزلت ويندوز جديد يبقى عندك التاسكات متسجلة وما ترجعش تعملها من اول و جديد

التحميل :


ضع رد لتري الرابط
وارجو التقييم عشان انا الله تعبت في الموضووع دة خااالص

---

---

موضوع رهيب و مجهود خرافى منك . تم التقييم وتسلم إيدك