أهلاً وسهلاً بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه
كتير اوي من الناس بيقروا اول الموضوع و يحكموا عليه اذا كان ممل ولا لا ...........الغرض اللي خلاني اعمل الموضوع ده هو اني اوري الناس يعني ايه موضوع ممل.....بس ياريت تبقى صبور و تقرا الموضوع كله ............
التاريخ:4/6/2012
كان يوم في الاجازة زي كل يوم من الايام المملة صحيت من النوم عالنسكافيه بعد كدة عالفول اللي معرفش ازاي كان ممكن المصريين يعيشوا من غيره وبعد مخلصت والحمد لله افتكرت اني مغسلتش وشي ... غسلته و اقعدت اتخانق مع اخويا شوية على مين اللي هيقعد عالكمبيوتر و كالعادة انتصرت انا قعدت عالنت عمال اخش من الموقع ده عالموقع ده من الموضوع ده عالموضوع ده من اللعبة دي عاللبة دي ......المهم معملتش حاجة مفيدة ............. قمت اتفرج عالدش بس كلها حاجات مملة و افلام قديمة برامج تافهة قام التليفون رن
قلت ايه الملل ده وقمت ارد انا : مين اللي عالخط : انا المينامين انا : خلص يا ممل مش ناقص ملل اللي عالخط :انا (.....) صاحبك ....مالك النهاردة فيك ايه انا: للاسف مفيش حاجة ..... يوم ممل زي كل يوم اللي عالخط : طب ماتيجي نخرج نروح اي حتة اصل انا كمان ملان انا:طيب يلا يمكن يروح الملل
واتفقنا علا المكان اللى نتقابل فيه نزلت في الميعاد اللي اتفقنا عليه ...... فضلنا ماشيين في ارض ربنا الواسعة و كنا ساكتين عشان كل المواضيع مملة ......فضلنا ماشيين ساعة مملة لحد مروحنا البيت اعدت اتغديت و روحت عالجهاز ....كالعادة كل حاجة عالجهاز مملة فتحت الدش ....في مسرحية بيعرضوها للمرة السبعتاشر النهاردة و بيقولوا العرض الاول في كل مرة قعدت اتفرجت عالمسرحية المملة دي لحد ماخلصت روحت اتعشيت و دخلت انام.......انتهى اليوم الاول (((الممل)))
التاريخ:5/6/2012
صحيت من النوم عالنسكافيه عالفول زي كل مرة بس المرادي قلت اعمل حاجة مفيدة روحت عالمكتبة اللي عندنا قعد ادعبس فيها ......التأثيرات السلبية على عصب الاصبع اليمين لل د. فلان الفلاني .......تغيرات في الادب المسرحي لل أ.فلان الفلاني .....المهم كلها حاجات للناس اللي بتفهم مش ليا يعني ....خدت منها مجلة ميكي و روحت اقراها يااه هو هو العدد اللي بقراه كل مرة .....سبت المجلة و روحت اقرا الجرنال .....النادي الفوشيا يتفوق عالنادي الفحلقي ب3 اهداف.....المطرب الشهير يكذب الاشاعة ..... الفنونزا الطيور وصلت مصر...........كلها حاجات تافهة و عارفنها من زمان .........بعد خناقة بسيطة مع اخويا قعدت عالجهاز كالعادة المملة
(you have no new message) كالعادة برضو مفيش حاجة حلوة افتح الدش عشان الاقي مسرحية امبارح......قعدت اتغدى وانا بتفرج عليها للمرة ال31241254125 كأن مفيش غيرها عالتلفزيون .....الحمد لله...خلصت الغدا و قمت اشوف حاجة اعملها ....قلت ارسم...حاولت ارسم شجرة بس طلعت الصورة لكائن غريب معرفوش...كرمشت الورقة و رمتها في الزبالة ......طبعا فنان زيي ياخد في الرسمة مش اقل من سبع ساعات ....... قمت اتعشيت ونمت و بكدة انتهى تاني يوم ممل تاني
بصراحة بقا كل واحد اتخنق وكان عايز يشنقنى تقييم ورد
الثلاثاء 05 يونيو 2012, 9:39 pm
موضوع: موضوع ممل خش وشوف
تقييم ورد 
