ازيكم يا شباب النهارده هنتكلم عن موضوع مهم و كنت انا شخضيا مهتم بيه
وهو الشحن من خلال مواقع المفروض ان هى ظهرت للناس انها حقيقيه و لكن هى فعلا و عن تجربه طلعت مواقع وهميه
و كل الى فيها شغال على السرقة و النصب على عقل مجموعة من الناس ممكن تكون كبيره بدافع ان فى عرض او فرصه ان انتا تشحن
كميه كبيره بــ فلوس قليله .
و فى الموضوع ده هنتكلم عن موقع ناس كتير جدا ممكن تكون مفكره ان الموقع حقيقى .. لكن هو موقع غير حقيقى بالمره ( عن تجربه للتأكد )
و دى صوره للموقع بعد ما يفتح
زى ما حضرتكم شايفين عروض زد بى كتيير جدا و بمختلف الكميات
عندك اول عرض بــ 2000 زد بى بـــ 10 جنية مصرى
و عندك اخر عرض 80,000 زد بى بــ 100 جنيه مصرى
= طبعا للناس الى فاهمه هتعرف ان مستحيل يكون فى ارقام من دى يالاسعار دى ( لان اصلا الشركة بتبيع باسعار معروفه للكل )
= تانى حاجه ناس كتير بتقول ان طالما موجود شعار كروس فاير ف الموقع يبقى الموقع سليم احب اوضح لحضرتكم ان اى حد ممكن يعمل اعلان ببلاش لموقع
z8.com
= حاجه كمان تابته زى ما حضرتكم شايقين ان فى ( صندوق الدردشه ) و ده للتواصل مع اصحاب الموقع .. لكن فى الحقيقه هو بيطلع رساله وهميه بتقول ان الموظفين مشغولين و هما اكيد مشغولين 24 ساعه لان هما مش موجودين اساسا
= و بالنسبه ( للتواصل معانا ) هو فعلا حضرتك الاوبشن ده موجود ف الموقع بس مش و حضرتك بتدخل المفروض تبعت رساله ليهم .. لكن وهميه لان حضرتك بتبعت رساله لمجهول حتى مش بتوصل لاصحاب الموقع نفسه
= بردو فى حاجه تانيه و هى عدد الناس الاونلاين .. دى بردو من ضمن كذب الموقع حضرتك ممكن تعمل ريفرش للصفحه فى لحظه واحده ممكن يقل 500 شخص او يزيد 800 شخص و ده مستحيل ان اى موقع ممكن يحسبه ف الوقت ده لان مستحيل 500 شخص على مستوى العالم يدخلو مع بعض على موقع واحد فى نفس الجزء من الثانيه
اخر حاجه و هى الحاجه الوحيده الى انا شخصيا بعتبرها حقيقيه
هى متعلقه بالصوره دى
و الى موجود فى الصوره دى هو يعتبر الشىء الوحيد الحقيقى الى فى الصوره الى بينصب بيه على الناس
لان حضرتك زى ما انتا شايف بتكتب الاى دى بتاع كروس فاير الخاص بيك او الى المفروض يوصل عليه الشحن
و بتكتب تحت رقم الكارت سواء كان فودافون او موبينيل او اتصالات او شركة وان كارد
الحقيقى فى الموضوع ان هو بيوصل فعلا رقم الكارت الى انتا بعته لصحاب الموقع
و الحقيقى بردو ان مش بيوصلك الشحن سواء كان بــ 1000 او بــ 80,000
و لكن الغير حقيقى ان حضرتك بعد ما تكتب الكارت بيجيلك الرساله دى
بيقولك ان تم طلبك بنجاح و فى خلال ساعات لو كان الكارت لسه سليم هيتم الشحن الــ زد بى فى خلال ساعات
حضرتك لو قعدت 5 دقايق بالظبط هتلاقى ان الكارت اتشحن و ده ممكن تعرفه من خلال انك تتصل بخدمه العملاء لاى شركة و تسألهم عن صلاحيه الكارت
ولو قعدت 24 ساعه تستنى مش هيوصل .. و حتى لو 48 او 72 او 96 ساعه مش هيوصل حاجه او اقولك لو فصلت تستنى اسبوع مش هيوصل حاجه و هيكون الكارت راح عليك
عموما فى نهايه الموضوع انا عملتو علشان انا طبعا شوفت ناس كتييير جدا بتشرح الموقع على اساس ان هو سليم و ناس اكتر بترد ان هو وصلهم شحن فعلا
و ده الى خلانى اجرب اكتر من مره و اوقات كبيره يعنى تقريبا بقالى شهر او شهر و نص بجرب ف الموقع انا عارف ان هو خساره ليا و ده الى اكتشفته
بس حبيت اعرف الناس الى بتدور او الى ممكن تكون شافت الموقع و بتفكر تشحن من خلال الموقع ده
و انتظرو موضوع جديد بيتكلم عن الشحن من بطاقات فيزا مسروقه او حسابات باى بال او وان كارد او اى حساب مسروق عموما
موضوع: شحن زد بى من مواقع واهميه !!
الخميس 14 سبتمبر 2023, 6:33 pmمن طرف 
