* فى إحدي سيارات التبرع بالدم بشوارع القاهره *
- لو سمحت يا ابني انا عايز اتبرع بالدم
- تتبرع ايه يا حاج ده انت عايز اللى يتبرعلك
- يا ابني انت مالك انا عايز اتبرع
- اصطبحنا و اصطبح الملك لله ماشي يا سيدي فصيلة دمك ايه ؟
- ذكر
- ذكر ايه و نتاية ايه يا حاج فصيلة دمك ايه يعني نوع الدم
- معرفش يا ابني بس هو احمر
- احمر ؟! طب مدد يا حاج ع الكرسي عشان نعدي اليوم ده
- انت هتاخد مني كام كيلو ؟!
- يا حاج هى طماطم كام كيلو ايه بص يا حاج ارتاح انت و متشغلش بالك
- طب اديني بنج عشان محسش بحاجه
- هى عملية قلب مفتوح يا عم انت راجل كبير متخلنيش اتغابى عليك
* بعد سحب الدم *
- يلا يا حاج خلصنا اتفضل اشرب دي
- ايه دي ؟
- دي علبة عصير خدها و اتكل ع الله
- انا عايز 1000 جنيه
- ليييييييه اتبرعت بكليتك
- يا تجيب 1000 جنيه يا ترجعلى الدم اللى خدته مني تاني
- ارجعهولك ازاي ده دلوقتي
- معرفش اتصرف
- يا حاج انت جاى تبيض عليا يعني ع الصبح
- هما قالولي التبرع ب 1000 جنيه و انا محتاج الفلوس العيال فى البيت مش لاقيين ياكلوا
- يا حاج انت صعبت عليا والله بس اعمل ايه انا دلوقتى
- عايز الدم بتاعى يا حراميه يا ولاد الكلب
- بص يا حاج خد ده موبايلي و دي محفظتي فيها 28 جنيه و خد البالطو الابيض ده مش عايزه انا اصلا ابويا قالى اشتغل سباك انا اللى نشفت دماغى
و خد كمان دي مفاتيح عربية الاسعاف دي بعها و رزقي و رزقك على الله سلام يا حاج
- خد يا واد
- نعم يا حاج
- هات باكو العصير اللى معاك ده كمان
| توقيع العضو : Adel Rehan |
 # اللعبة أن نثير العوآطف نحونآ , وبعدهآ تؤمنون بنآ , فلآ مجآل للصدفة فالقوآنين تجبركم على الاختيآر !!!
A d e l R e h a n || 2014 - 2015 || E L M A S R Y Y . C O M |
الثلاثاء 09 سبتمبر 2014, 3:22 pm
موضوع: فى إحدي سيارات التبرع بالدم بشوارع القاهره ..
تسلم إيدك بجد . تم التقييم
