علامه مميزه فى تاريخ المخابرات المصريه ... وطنـى من طراز فريد أستطـاع بذكـائه وبصيرته تعديل أمور كثيره والرفع من قوه الجهـاز من أطلق عليه لقب الصندوق الآسود كان محق واليوم وبعد أن كشفت جميع المؤامرات للعوام حان الوقت للحديث عن الصقر عمر سليمـان
والشرح بالبلدى عشان الحبايب .... ناس كتير كانت بتسأل عمر سليمان عايش ولا حـى ليه كلام الراجل ده بيتحقق رغـم أنه مش موجود على الساحـه ! وأيه السر والمعنـى الحقيقى لموته ؟!!! ... طبعا أتسألت بدل المره ألف مره يا ادمـن عمر سليمان حـى ... كنت برد بس الرحمه تجوز على الميت والحـى
القصه من البدايه فى يوم أعلان وفاه عمر سليمـان وكان أول خبر عن طريق جريده الفجر ... بالبلدى كده الموضوع مدخلش دمـاغى نهائيا لعده أسباب
1- أتقال ان عمر سليمان مات فى سوريا ووصل أمريكا جثه مفحمـه !!!!
طب ازاى يموت فى سوريا الفجر ويوصل الصبح امريكا وكمان جثه مفحمـه !
طب انت تعرف ان السفر من سوريا لآمريكا محتاج 21 ساعه طيران ولازم ترانزيت فى بلد وكمان سوريا عليها حظر جوى !!!!
2- أتقال فى امريكا ووصل جثه مفحمـه ألخ ألخ ألى سابق القصه الاولى .. طب حضرتك اصلا اصلا عمر سليمان مرحش أمريكا خالص ... وكان خط السير من مصر ألى دبى ألى ألمانيا مع الطبيب الشخصى للصقر ومن بعد ألمانيا أنقطعــت كل الآخبار
3- أتقال انه مـات عن طريق مرضى النشوى وأنه مرض نادر ...
طيب حضرتك أنت تعرف لو هو عنده المرض ده فى الحاله دى وأن المرض عنده من زمان كفيله بعزله من منصبه لآنه رئيس المخابرات العامـه !!!!! ونادر ويطلع فجــأه وفى ذلك التوقيت
4- ما عليكـم من الكلام اللى قالوا توفيق عكاشه انه مـات بنفس طريقه موت ياسر عرفات
دى واسعـه وملهاش أى أساس من الصحـه
شايف كم موته الراجل ماتها !!!! ناقص يقولوا كان بيلعب بينـج وجالوا شد عضل على رأى شخص امـه أمريكيه
الخلاصه : طبعا كل الكلام ده كتبته فى يوم اعلان وفاه عمر سليمان فى جروب أسمه لن تسقط مصر أبدا ... وهنا فى الجروب فى أكتر من شخصيه تشهد بالكلام ده وانا طلبت يومها الكلام يتمسح بعد ما أتكلمنا فيه وعرضت اللى عندى
مرت أيام وتقريبا شهر ... وجالى خبر بالصدفه عن طريق صديقه لي كانت بتعمل عمليه فى المستشفى والطبيب المعالج ليها واللى كان هيجرى ليها العمليه هو واحد من أحد الآطبه اللى استقبلت جثمان عمر سليمان الساعه السادسه صباحا وكلنا شفنا القصه على الهواء مباشره .. وده كان مقصود
المعلومـه : الجثه اللى وصلت المستشفى مش جثته نهائيا .. وكان موجود وقت أستلام الجثمان عدد 4 أطبه و3 ممرضات ... وتم التكتـم على الخبر لفتره طويله لحد ما حضراتكـم مكنتوش عارفين هل مـات فعلا ولا حـى ! ....
أفتكروا كلامـى الرحمـه تجوز على الميت والحــى
طب أيه اللى حصل ؟!
بعد فشل اكتر من عمليه لآغتيال اللواء عمر سليمان عن طريق الاخوان المفسدين بالتعاون مع المخابرات الآمريكيه والموساد وقناصه بلاك وتر .. وفيه عمليه من العمليات قتل فيها السواق
وبعد قانون العزل السياسـى فى مجلس شعب الاخوان ... فكانت الخطـه كالتالـى :
شغل اللهـو الخفـى ... بعيد عن العيــــــــن ...
ورسم خطـه عمل عاليه الجوده ومدروسه ممهده لمده لا تقل عن سنـه لفضح مخطات الآخوان وغيرهـم ومنفذين الخطـه هـم طنطاوى والسيسـى فقد تم أختيار السيسى من زماااااان لاستكمال المهمـه ومن باب العلم بالشيىء قبيل نكسه يناير فى حاله تأزم الامور اللى كان هيوضع الخطـه للخروج من الآزمـه هو السيسـى وقتها ايام ما كان رئيس المخابرات الحربيه
فقد كان ... تم أنشاء سجل طبى وهمـى من 2008 بأن اللواء عمر سليمان مريض ومنهـك صحيا وطبعا كان مقصود يوصل الكلام ده لاعـلام والصحافه وبدء الشغل على الملف فى بدايه قانون العزل السياســى
للتحضير لاستقبال العامه الخبر فيما بعـد
وقتها بقى عمر سليان ورجالته بيضربوا ومش بينضربوا لانهـم غير مرئيـن نهائيا ونفس الوقت جميع الناس عندها شكوك بما فيهم الآخوان هل حـى هل مـات طب نروح نكشف على جثته وده كان رأى الآخوان ....
جميع ما سبق قلته بالحرف الواحد لعده شخصيات اعرفها اصحابى
معلومـه : مش دى المره الاولى اللى مصر تعمل الحركـه دى ...
مين يعرف اللواء حسام خيرالله .... مصر عملت نفس القصه معاه بعد عمليه الكربون الاسود
وأتفاجئــت أمريكا بترشحـه للرئاسه وظهوره على الساحـه
بكده أظـن جاوبت جميع من سألنـى عن عمر سليمان هل هو ميت ولا حـى
المخابرات العامه المصريه ...
عملتلك أكتر من سناريو لموت الصقر عشان حضرتك تكون فى حيره من امرك عشان يفضل عندك النازع والعقيده لآستمرار والحرب ضد الآستعمار والآستحمار
وحصلت حاجه حلوه امبارح قليل اللى فهمها أن التليفزيون المصرى بيذيع فيلم وثائقى عن حياه عمر سليمان فى التوقيت ده بالتحديد ! ايه المعنـى وايه السر
هذة رسالة من الدولة المصرية للخارج..ملخصها...
نشكركم على حسن تعاونكم معنا و الى لقاء آخر ان شاء الله ....مصر انتصرت فى الجيل الرابع من الحروب......و النهادرة كانت كلمة النهاية .....و اوعى أى حد يتخض من اللى بيحصل فى الشارع ...دى مخلفات الحرب...و هتتحرق قريب..ان شاء الله
| توقيع العضو : Mr ToDAY |
 مفيش حاجة بتمشى صح من البداية ولو مشيت صح هتبوظ فى النص ولو ماباظتش فى النص هتبوظ فى الاخر ولو ماباظتش فى الاخر تبقى مش ليك ولو طلعت ليك هتموت ✌💔 ..
|
موضوع: حقائق تؤكد بأن عمر سليمان حتى الان على قيد الحياة
الخميس 14 سبتمبر 2023, 6:33 pmمن طرف 
