من اسرار استجابة الدعاء ونصرة المظلوم وفك الكرب
في الاول الايات والادعية ده من القران والسنة وليست دجل او شعوذة ولا اي شيء ولكن هي حصن قوي ضد الحسد والنفس الي بتمسكنا وتدايقنا ,انتو طبعا عارفني انا قمراية مفسرة احلام في قسم التفسير وكل مواضيعي والظروف الصعبة الي مريت بيها كنت معايا ووقفتو جمبي وربنا استجاب لدعايا ولدعاكم وبفضل الله ربنا انعم عليا براحة البال بعد بلاء استمر 6 سنين وازيد بس لما جبت اخري وصبري نفد مشيت في يوم في الشارع كنت بشتري طلبات للاولاد وبصيت للسماء وقلت يارب انا جبت اخري وصبري خلص ومش قادرة ولو انت غضبان عليا وده جزاتي فانا راضية ومش هبعد عن رضاك والتقرب منك بس انت الي زرعت في قلبي حب لاولادي مش طبيعي فخفف الحب ده علشان اقدر اعيش واستحمل بعدهم عني ونسيت كل الي قلتله وروحت شفت عيالي وقررت ابدا علاج بالقران قلت مهو الي بيحصل ده مش طبيعي بس مش هحط في بالي غير حاجة واحدة يا بنات لو فيه اي واحدة اشتكت من اي سحر او عين او ضيق او او لان كتير بيراسلني وبيقلي انا بتعالج وانا اتعملي سحر وانا وانا لو فرضنا ان اي حد عملك اي حاجة لا سمح الله لو حد اصابك بعين او احنا نفسنا حسدنا نفسنا من غير ما نعرف فلازم نكون متاكدين من حاجة واحدة ان ربنا اراد بان الحاجة ده تحصل وهو بس الي قادر يشفينا وصبرنا على كل هذه الابتلاءات بناخد عليه ثواب كبير قد يكون سبب في دخولنا الجنة ياترى انتو معايا ولا ايه ؟؟؟؟
يبقى نشيل من بالنا اني انا ليه عانس انا ليه اطلقت انا ليه كل يوم مشكلة شكل انا ليه مخنوقة وخلينا نقول حاجة واحدة هنتعالج بالقران سبعة ايام بس من غير ايات طويلة وقراءة قران بالساعات كل يوم نصف ساعة بس وبعد اليوم السابع الي مش هتيجي وتبشرنا بان ربنا فك كربها ولا نفسيتها اتحسنت او ان امورها كلها او جزء منها اتحسن كتير بفضل الله هزعل منكو قوي وانا شهدت ربنا عليكو وعلى كل واحدة تخبي عننا ان ربنا شفاها من اي عين اوحسد كما ان هذا الموضوع غير منقول نهائي واشهدت ربي على ما اقول نبدا باسم الله الرحمن الرحيم
هنجيب ازازة مية مفتوحة ونقرا الايات ده عليها وننفث في الماء كل شوية اثناء القراءة والرجاء الالتزام بعدد مرات التكرار 
1.الفاتحة 7 مرات 2.الصمدية 11 مرة 3.المعوذتين 7 مرات
4.اية الكرسي 7 مرات 5.اول سورة ال عمران 11 مرة 6.اخرة سورة البقرة 7 مرات
7.اخر سورة الحشر 7 مرات
سهل جدا كده ومش هتاخد منها من ربع لثلث ساعة بالكتير 
هنخلص الايات وهنقرا الدعاء ده برضه على الماء الدعاء خطه صغير بس نزلوه وكبروه وبعد كده اطبعوه هتلاقوه واضح

سبعة ايام هنقرا الايات ده والدعاء على الماء وهنشرب منه ونغسل وشنا وايدينا ولكن بعيد عن الحمام والمطبخ الماء ده مقري عليه ايات الله فمثلا هاتي فوطة واغسلي وشك وايديك وبعد كده انشريها او طبق تحت ايديك وانت بتغسلي ولو عندك زرع اسقيه بالمية دية مثلا انا بدي مثال يا بنات علشان منشلش ذمب او نعمل حاجة تغضب ربنا.

انا كتبت ليكو سر من اسرار فك الكروب ولكن لازم ناخد بالنا من كام حاجة ممكن نغفل عنها:
1.كوني على ثقة ويقين بان الله سوف يشفيكي ويفك كربك ولكن اصبري.
2.هنشغل سورة البقرة وسورة طه كل يوم او يومين على الكمبيوتر على الموبايل تسجيل المهم تكون شغالة على طول 
3.هنلتزم بالصلاة واوقاتها ويفضل قراءة هذه الايات بعد صلاة العشاء او في قيام الليل.
3.الاستغفار على طول واحنا قاعدين على فتكات ها نقرا في المواضيع ونشارك ماشي جميل ولكن اللسان شغال في ذكر الله
و هنغسل وشنا وايدينا بالمية ده ثلاث مرات كل يوم خلال 7 ايام