السلام عليكم ...فاللول حابة نقولكم بلي انا هي ام نيفين هههه باش ماتقولوش المخلوقة هاذي سرقت المواضيع
و ثانيا هاذ التارت عندي عامين ملي خدمتها بصح حبيت نحطها للافادة***
هاذي التارت خدمتها لوليدي أمين تارت على شكل مضمار سباق سيارات
لأنو يحب السيارات بجنون
و الكل حار فيها و عجبتهم بزاف
نبداو بالمرحلة الأولى:
أنا الحاجة الأولى لي درتها وجدت المكان لي رايحة نحط فيه التارت لأنها كبيرة و ماعنديش بلاطو كبير قدها
قصيت كرطون على شكل مستطيل شوية كبير على التارت باش جي مليحة و تبان و غلفتو بورق الألمنيوم
[img]
![تارت على شكل مضمار سباق من مطبخ ام نيفين Top4top_08c12190031](https://2img.net/h/up.top4top.net/uploads/2011/12/11/top4top_08c12190031.png)
[/img]
و من بعد بديت بتحضير الطبقات ..أنا هنا درت 4 طبقات
و الوصفة تلقاوها هنا
[ندعوك للتسجيل في المنتدى أو التعريف بنفسك لمعاينة هذا الرابط] لكل طبقة ديرو حق 5 بيض و الباقي شوفو الرابط
و هاذي la plaque نتاع بيسكوي رولي لي خدمت بيها الطبقات
[img]
![تارت على شكل مضمار سباق من مطبخ ام نيفين Top4top_79be9669681](https://2img.net/h/up.top4top.net/uploads/2011/12/11/top4top_79be9669681.png)
[/img]
[img]
![تارت على شكل مضمار سباق من مطبخ ام نيفين Top4top_da71c56a311](https://2img.net/h/up.top4top.net/uploads/2011/12/11/top4top_da71c56a311.png)
[/img]
[img]
![تارت على شكل مضمار سباق من مطبخ ام نيفين Top4top_0840a021e61](https://2img.net/h/up.top4top.net/uploads/2011/12/11/top4top_0840a021e61.png)
[/img]
الكريمة هنا بدلت فيها شوية:
1 لتر حليب+5 بيض كاملين+8 م ك سكر+5 م ك نشاء+ 1 م ص مارغرين + قشور القارس و نخلط كلش جيدا بعيدا عن النار ثم نحطها فوق النار و نحرك من حين لآخر حتى تعقد و نخليها تبرد شوية ثم + 2 م ك كرام شونتيي غبرة و نخفق جيدا بالباتور
و نخليها جانبا
بعد ما حطينا الطبقة الأولى من القاطو ندهنها بالكريمة و نقطع حبة بنان شرائح
[img]
![تارت على شكل مضمار سباق من مطبخ ام نيفين Top4top_b4eba8db661](https://2img.net/h/up.top4top.net/uploads/2011/12/11/top4top_b4eba8db661.png)
[/img]
ثم نضع فوقها الطبقة الثانية من القاطو و هكذا حتى نوصل للطبقة الرابعة
[img]
![تارت على شكل مضمار سباق من مطبخ ام نيفين Top4top_2a7f1aeec91](https://2img.net/h/up.top4top.net/uploads/2011/12/11/top4top_2a7f1aeec91.png)
[/img]
هنا نطلعو حوالي 200 غ كرام شونتيي + 2 كيسان حليب بارد جدا + ملون أخضر باش نخدمو بيه العشب
[img]
![تارت على شكل مضمار سباق من مطبخ ام نيفين Top4top_53170ebdf81](https://2img.net/h/up.top4top.net/uploads/2011/12/11/top4top_53170ebdf81.png)
[/img]
بعد ذلك نغلف التارت كامل بالشونتيي مليح
و نروح نخدم الطريق..هنا استعملت عجينة التزيين **la pate à décor ** و زدتلها الكاكاو الغامق و عجنتها مليح حتان ولات بني غامق
[img]
![تارت على شكل مضمار سباق من مطبخ ام نيفين Top4top_66b16d74da1](https://2img.net/h/up.top4top.net/uploads/2011/12/11/top4top_66b16d74da1.png)
[/img]
و حللتها فوق قطعة بلاستيك رقيقة شوية و بالسكين قطعتها على شكل طريق بهذا الشكل
[img]
![تارت على شكل مضمار سباق من مطبخ ام نيفين Top4top_a9e835d2711](https://2img.net/h/up.top4top.net/uploads/2011/12/11/top4top_a9e835d2711.png)
[/img]
و زينتها بشرائط بيضاء من العجينة **كيما تاع الطريق**
و حطيتها مباشرة فوق التارت
و زينت الوجه كامل بوردات بلابوش آدوي **العشب**
[img]
![تارت على شكل مضمار سباق من مطبخ ام نيفين Top4top_2d397db9221](https://2img.net/h/up.top4top.net/uploads/2011/12/11/top4top_2d397db9221.png)
[/img]
و هنا السباق بدا
[img]
![تارت على شكل مضمار سباق من مطبخ ام نيفين Top4top_59106ae7591](https://2img.net/h/up.top4top.net/uploads/2011/12/11/top4top_59106ae7591.png)
[/img]
[img]
![تارت على شكل مضمار سباق من مطبخ ام نيفين Top4top_9fd9a936261](https://2img.net/h/up.top4top.net/uploads/2011/12/11/top4top_9fd9a936261.png)
[/img]
[img]
![تارت على شكل مضمار سباق من مطبخ ام نيفين Top4top_0a8a70f6d11](https://2img.net/h/up.top4top.net/uploads/2011/12/11/top4top_0a8a70f6d11.png)
[/img]
و هنا وليدي أمين يتفرج فالتارت
[img]
![تارت على شكل مضمار سباق من مطبخ ام نيفين Top4top_1cdcce36b41](https://2img.net/h/up.top4top.net/uploads/2011/12/11/top4top_1cdcce36b41.png)
[/img]
نتمنى برك نكون وفيت فالشرح وأي سؤال او استفسار أنا فالخدمة
الموضوع تعبت فيه بزاف فأرجو ألا تبخلوني بردودكم و تقييماتكم
سلام
![تارت على شكل مضمار سباق من مطبخ ام نيفين 19](https://2img.net/h/www.djelfa.info/vb/images/smilies/19.gif)