فئة المناقشات العامة

السلام عليكم ورحمة الله وبركاته

في البداية انا مش عارف هل الفكرة دي اتعملت قبل كدة ولا لا
بس لو كانت مكررة .. ياريت تعذروني
بس الشيء اللي لازم تعرفوه انها فكرة جديدة خطرت علي بالي .. وما شوفتهاش قبل كدة

طبعا بما ان منتدانا الحبيب الديفيدي يعتبر اكبر منتدي عربي
ودائما بيقدم الجديد والحصري دائما

طبعا لم نسلم ابدا من عمليات نقل المواضيع الغير شرعية الي المنتديات الاخري
واكيد اغلبنا اتعرض للحكاية دي كتير

الواحد بعد ما يتعب في الموضوع ويقعد فيه ايام
يجي شخص من خارج المنتدي بمنتهي السخافة وينسخه بالكامل
ويعمل له لصق في منتدي اخر .. وكأنه هو اللي كتبه
وطبعا الاعضاء يقعدوا يشكروا فيه ... وهو ما بذلش فيه اي مجهود!!

لذلك انا فكرت في فكرة مقلب جامد حتكشف سرقة الموضوع
ومش كدة وبس ..
دي كمان حتعمل له فضيحة بجلاجل !!
ههههههههههههههههههههههههههههههههههههههههه

شرح المقلب :

ببساطة جدا .. وانت بتكتب موضوعك
تعالي عند نهاية الفقرات ... وحط الكود ده

كود:
[ltr][&COLOR=#fcfcfc]هذا الموضوع منقول من العضو ××× من منتدي elmasryy[/color][/ltr]

وطبعا ما تنساش تشيل علامة & اللي قبل كلمة COLOR عشان الكود يشتغل صح
مع استبدل ××× ده باسم حضرتك

وكرر الحكاية دي مع 4 او 5 فقرات حسب حجم موضوعك
بس اهم حاجة ما تخليهاش لا في اول فقرة ولا في اخر فقرة

طبعا بعد لما تعتمد الموضوع بتاعك ...
الجملة دي محدش مش حتظهر ومحدش حيقدر يشوفها
لانها بالظبط نفس لون الخلفية

طبعا الاخ اللي حينقل الموضوع حيعمل تحديد لكل النص بتاع الموضوع
و حيعمل له Copy (وطبعا الجملة حيتم نسخها مع الموضوع) ...
وبعدين Paste هناك في المنتدي بتاعه

وطبعا محدش حياخد باله غير اللي حيقرا الموضوع ... ويعرف ان الموضوع ده ملطوش
وسعتها حيبقي شكله وحشششش
وممكن من ساعتها يحرم يسرق مواضيع وينسبها لنفسه
هذا الموضوع منقول من العضو CuteManHema من منتدي DVD4Arab

لو ما فهمتش المقلب ...
اعمل تظليل لـ 4 سطور من الفقرة السابقة
وانت حتفهم الفكرة

حيجي واحد ويقولي ...
طيب ماهو ممكن الشخص ده يكتشف العبارة ويمسحها من الموضوع .. يبقي عملنا ايه ؟؟

اقوله ببساطة ومن خلال خبرتي طوال 4 سنين في عالم المنتديات
ان 90% من حرامية المواضيع (علي حد التعبير) ما بيبذلوش اي عناء في تنسيق الموضوع من جديد او حتي يعملوا اي مراجعة عليه !!

وحصل ليا موقف قبل كدة ..
في احدي موضوعاتي السابقة .... كتبت في منتصف الموضوع اسم المنتدي الخاص بي ..
وبعدها بأسبوع اكتشفت نقل الموضوع بأسم عضو اخر
بس لاحظت انه نسي يغير اسم المنتدي الخاص بي
يعني حتي ما بذلش حتي مجهود انه يشيل اسم منتداي منه !!!

وهو ده حال اي شخص بينسب مجهود الاخرين اليه

ومستني ردودكم وتعليقاتكم

توقيع العضو : زائر