فئة المناقشات العامة

مطالب بتطوير الأتوبيسات وزيادة أعدادها قبل توفير "الواى فاى" S12013215327

أعلن الرئيس التنفيذى للجهاز القومى لتنظيم الاتصالات المهندس هشام العلايلى قبل أيام، نية الجهاز بالتعاون مع وزارتى النقل والتخطيط ومحافظة القاهرة وشركات المحمول، طرح أتوبيسات نقل عام مزودة بخدمة الإنترنت اللاسلكى "واى فاى"، فى شهر يونيو المقبل.

وأثار التصريح الذى أدلى به العلايلى على هامش معرض "جيتكس" للتقنية ردود فعل واسعة، ما بين مؤيد ومعارض للفكرة، وإن اتفق الجميع على ضرورة تطوير الأتوبيسات فى البداية.

فتقول وفاء عمر (23 عامًا) طبيبة صيدلية "المفروض الأول تكون الأتوبيسات صالحة للاستخدام وعددها كاف علشان ما تبقاش زحمة قبل ما يوفروا الخدمة دى".

وتضيف "كنت أتمنى يضيفوا للأتوبيس رادار يكشف التحرشات وكاميرات مراقبة من أجل السرقات، ويحركوا نخوة الشباب الذين يجلسون ويتركون الفتيات والسيدات واقفات الجاى والرايح يخبط فيهم".

أما محمد مشالى (30 عامًا) فيقول "طبعًا دى حاجة ممتازة بس لما يكون فعلا فى مكان للناس تقعد عليه والشبابيك يكون فيها زجاج بدل الناس ما تتجمد فى البرد، هى الحكومة عايزة تستفز الناس وخلاص؟.

"لو الكلام دا حقيقى الواحد هيركب ومش هينزل طول اليوم" كان هذا هو رد الفعل الأول لخالد بلال (22 عامًا) على الخبر، ولكنه عاد واستدرك "بس لازم نحسن جودة الأتوبيسات الأول، وما يركبش فى الأتوبيس غير العدد المحدد وما يعطلش بالناس خمسين ألف مرة فى الطريق".

بينما يرى على فؤاد (19 عامًا) أن "الفكرة فى الأولويات لما الناس تلاقى أتوبيس الأول لائق بيهم، وبراحتهم ويلاقوا كراسى يقعدوا عليها نبقى نشوف الواى فاى".

توقيع العضو : MiDo