لو حصل معاك كده اعرف انك اكيد بتعمل حاجة غلط وانك مش منتظم في حياتك اليومية ونا هذكر الاسباب اللي بتؤدي الي ضعف العضلة وعدم اتزانها.

1:عدم انتظام النوم: النوم القليل او السهر والنوم اثناء النهار كل ده بيعمل ارتباك للعضلة وبيوصلها الغذا المناسب ليها لان العضلة بتتغذى اثناء النوم بليل وتقريب ابتداء من الساعة 12 ليلا وحتى الساعة 5 فجرا ففي هذا التوقيت يقوم الجسم بتخزين البروتين في العضلات ويقوم بتغذيتها ويقوم الجسم بأفراز جميع الاحماض الامينية التي بدورها تصنع هرمون االنمو الجي اتش وايضا تتم مرحلة الاستشفاء العضلي وبناء الانسجة العضلية المهدومة من فترة التمرين. ويقوم الجسم بضخ الدم لتغذية الجسم بشكل كامل. يعني بشكل مختصر يقوم الجسم بهيكلة نفسه في هذه التوقيت اثناء النوم يعني بالبلدي بيعمل عمرة. وايضا يقوم البنكرياس بعمله الكامل وافراز الانسولين الطبيعي في الجسم وده مهم جدا للتغذية العضلية والوقاية من الامراض . وطبعا غير ان عدم انتظام النوم بيقلل مستوى الهرمون في الدم والهرمون عامل اساسي في تغذية العضل وفي بناء انسجة وخلايا عضلية جديدة يعني بيقوم بضخامة العضلة.

وطبعا بناء على عدم الترام النوم يكون الاكل ايضا غير متلزم وهتفوتنا وجبة الفطار وهي بتعبتر اهم وجبة في اليوم وبالتالي تغذية بتكون غير سليمة على مدار اليوم.

2:ارهاق العضلة في التمرين: وطبعا بنشوف ده كتير جدا تلاقي واحد داخل الصالة وبيلعب 10 حركات بنش و7 حركات باي وهو كده متخيل ان بيلعب ضخامة. طبعا ده اكبر غلط. لانك كده بترهق العضلة وبتتلف الخلايا العضلية وبردوا الناس اللي بتلعب العضلة الكبيرة اكتر من مرة في الاسبوع وده بردوا غلط . ونا قلت قبل كده لازم يكون في فتر اسشتفاء عضلي عشان العضلة تقدر تبني نفسها كويس. وفترة الاستشفاء للعضل الكبير بتبقى 4 او 5 ايام والعضل الصغير بتبقى يومين او 3.

3:عدم تغذية العضلة قبل وبعد التمرين: تغذية العضلة شئ مطلوب خصوصا قبل وبعد التمرين يعني لازم ابقى عارق ان جسمي بيستهلك طاقة عالية جد افي التمرين فانا لازم امد جسمي بطاقة عشان محرقش الالياف العضلية وبالتالي العضلة هيتم هدمها مش بنائها. والمفروض ناكل اكل يحتوي على كارب غير معقد قبل التمرين زي الموز او البطاطس المسلوقة او رز بسمتي او بطاطا و عصائر طبيعية وده طبعا قبل التمرين بساعة. وبعد التمرين الجسم بيحتاج وجبة خفيفة تحتوي على بروتين كارب وسكر ودي ممكن ناخدها عبر طريق مكمل غذائي او ممكن عصير موز او عصير قصب او عنب احمر وطبق سلطة فواكه. وبعد التمرين بساعة بروتين سريع الامتصاص عبر الاكل زي التونة او صدور الفراخ.

4: التمرين الغلط والاوزان الثقيلة.: اهم حاجة قبل ما العب لازم اعرف اداء الحركة كويس عشان لما اتقل الوزن يكون اللعب بردوا صح لان اهم حاجة الاساس وفي بعض الحركات مش بتبقى عايزة وزن تقيل المهم يكون الاداء صح وبتركيز لان اللعبة قبل ما تكون لعبة قوة فهي لعبة اداء ذهني وتركيز عالي. يعني من غير تفكير وتركيز عمرك ما هتعرف تحافظ على عضلتك او تكبرها.

5:قلة اكل الخضار: الخضار مهم جداا لانه فيه كل الاحماض الامينية اللي جسمنا بيحتاجها خصوصا حمض الجلوتامين اللي بيساعد في الاستشفاء العضلي وبناء الانسجة المهدومة بعد التمرين. طبعا ممكن ناخده عبر مكمل غذائي بس بردوا عبر الاكل مهم جدا خصوصا الخضار .

نفهم من كده عشان نحافظ على العضلة لازم تكون منتظم في كل حاجة وتكون منظم في يومك وعشان متقولش انا ببقى في التمرين جسمي منفوخ وبطلع من التمرين بلاقي جسمي نزل تاني . اكيد طبعا هينزل لانه مش لاقي غذا ولا لاقي راحة ولا لاقي مصدر للطاقة. يبقى ازاي هيبكبر او هتحسن من شكله.

اسف للاطالة ويارب يكون الموضوع عجبكم ولو عجبكم ياريت بقى لايك عشان لما بشوف ان الموضوع عجب الناس بيشجعني اكتب مواضيع تانيةعشان اقدر افيدكم.