فئة المناقشات العامة

تم انشاء الموضوع الموافق

26.06.2013

08:19:20

يا وزير الداخلية!

شتباكات بين الشرطة والمتظاهرين

********************************

يا وزير الداخليه يا متسلط عليه
خف ايديك يا باشا عن الاولاد شويه
واذا كنت شجاع صحيح وحديد منتش صفيح
قوم ورينا الشجاعه ولم البلطجيه
...
يا وزير الداخليه (العادلى) زمانه مات
خُد عبِره يا صاحبى منه واتعلم من اللى فات
منفعوش النظام ولا (حُسنى) والمدام
الظلم نهايته سوده ميغركش السُكات
...
يا وزير الداخليه الشعب مهوش هفيه
مُش هيسلم لبطشك ولا هيبيع القضيه
ولا هيسيب الميدان .. الضعف كان زمان
دلوقتى الشعب واعى واذكى منك شويه
...
يا وزير الداخليه حاسسنى بالامان
ورجع العساكر اللى كانت زمان
ويقولوا مين هناك ؟؟ قبل ما يحصل عِراك
ونشوف غفير نظامى فى العزبه والغيطان
...
ياوزير الداخليه هشق هدومى منك
وجودك زى عدمه وكفايه يا باشا انك
بتكلبش الولاد وبترازى العباد
اللى لولاهم ما نجحت الثوره غصب عنك