فئة المناقشات العامة

طالبت والدة الناشط أحمد
عرفة، عضو حركة «حازمون»، الذي اعتقلته قوات الشرطة، فجر الأربعاء، الدكتور
محمد مرسي بتطهير وزارة الداخلية قائلة: «يا مرسي لم الداخلية بقى، كفاية
العذاب اللي إحنا فيه، إحنا شيلنا طاغية وبرده محصلش أي تغيير».

وروت والدة عضو «حازمون» في
تسجيل أجرته معها صفحة «كان فين أبو إسماعيل قبل الثورة» واقعة اقتحام
المنزل واختطاف نجلها قائلة: «أحمد رجع من الشغل وحطيت له ياكل ودخلت أنام
بعدما قفلت باب الشقة، بعدها الباب اتفتح في الساعة الواحدة والنصف صباحاً،
ولقيت خمسة أشخاص معاهم سلاح واقفين في الصالة، خرجت وقولتلهم هو فيه إيه
قالولي متخافيش يا حاجة مفيش حاجة، وبعدها دخلوا على أوضتي وخرجوا، وبعد
كده دخلوا على أحمد وأخذوه وبهدلوا الأوضة».

وقالت إن مقتحمي المنزل كانوا يرتدون «جواكت وبروفالات وكلهم مسلحين، ولما سألناهم انتوا مين قالوا إحنا مباحث».

وأضافت: «ضربوا البواب علشان
يفتحلهم باب العمارة»، وتابعت: «أخذوا العربية واللاب توب والكمبيوتر بتاع
أحمد، ولما سألناهم معاكم إذن نيابة قالولنا آه معانا إذن نيابة».

وتابعت: «ربنا المنتقم هو
الجبار هياخدلنا حقنا من الناس دي، أنا لا قادرة أقف وظهري ووسطي بيوجعني»
مضيفة: «ابني لم يشارك في مظاهرات حزب الوفد وكان قاعد في بيته وملوش
علاقة بحد».

كانت حركة «حازمون»، المؤيدة
للقيادي السلفي حازم صلاح أبو إسماعيل، قد أعلنت منذ عدة ساعات، أن قوة من
الداخلية اقتحمت منزل الناشط السياسي أحمد عرفة، وتعدت على والدته بالسب
والضرب، ثم اقتادته إلى مكان غير معلوم.، ولم يتسن الحصول على مزيد من
التفاصيل حول الواقعة.

توقيع العضو : EL-TOP-EGY